Test Tabl

Ymrwymiad Aelodau’r Seithfed Senedd i’r Gymraeg

Gyda Senedd newydd sbon, a mwy o Aelodau nag erioed o’r blaen, mae cyfle i gynyddu’r defnydd o’r Gymraeg yn y Senedd, sydd wedi bod yn isel iawn ar hyd y blynyddoedd. Mynd yn erbyn y llif mewn môr o Saesneg fu hanes y rhai oedd yn defnyddio’r Gymraeg yn Seneddau’r gorffennol. Nawr yw’r amser i droi’r llanw o blaid y Gymraeg ar weinyddiaeth y Senedd.

Rydyn ni’n galw am ddod â Chomisiwn y Senedd, y Bwrdd Taliadau Seneddol a’r Aelodau eu hunain o dan ddyletswyddau safonau’r Gymraeg ar fyrder fel bod fframwaith cyfreithiol cadarn yn ei le.

Yn ogystal, rydyn ni'n disgwyl i bob Aelod unigol, a'r Aelodau fel corff, ddangos arweiniad i wireddu'r weledigaeth o wneud y Gymraeg yn briod iaith i'r Senedd. Mae angen i Aelodau’r Seithfed Senedd fachu ar y cyfle i feithrin arferion newydd o ran defnyddio'r Gymraeg ar lafar ac yn ysgrifenedig yn nhrafodion y Senedd, wrth gyflogi staff ac wrth wasanaethu etholwyr.

Penderfynwyd felly cysylltu gyda phob un o’r 96 Aelod o’r Senedd a’u gwahodd i ddatgan eu gallu ieithyddol personol ar hyn o bryd, a’u hymrwymiadau i ddefnyddio a hyrwyddo defnydd o’r Gymraeg fel cynrychiolwyr etholedig. Rydym yn bwriadu i’r arolwg fod yn gofnod byw, a’n galluogi i ddal Aelodau yn atebol yn ystod y tymor hwn.

Bu i ni ysgrifennu at yr holl Aelodau ar 22ain Mai, 4ydd Mehefin a 23ain Mehefin er mwyn rhoi pob cyfle i’r Aelodau ymateb gan nodi ein bwriad i gyhoeddi’r canlyniadau. 

Dyma’r holl ymatebion rydym wedi eu derbyn hyd yma: