Wrth ymateb i'r ffaith fod Cyngor Ceredigion wedi rhoi safle ysgol Dyffryn Teifi i'w werthu mewn ocsiwn mae Cymdeithas yr Iaith wedi galw ar gyngor Ceredigion i drafod gyda'r gymuned leol.
Dywedodd Bethan Williams, swyddog maes Dtfed Cymdeithas yr Iaith:
“Bydd Cabinet Cyngor Ceredigion yn cwrdd ar y 6ed o Fedi, rydyn ni'n galw arnyn nhw yn y cyfarfod hynny i dynnu'r safle oddi ar y farchnad a thrafod yn agored gyda phobl leol. Mae syniadau wedi eu codi gan unigolion ar y cyfryngau cymdeithasol yn barod, beth am i'r Cyngor wrando a thrafod?”
Mae'r Gymdeithas hefyd wedi tynnu sylw at y ffaith fod Llywodraeth Cymru wedi neilltuo Dyffryn Teifi fel Ardal Twf Lleol.
Ychwanegodd Bethan Williams
“Mae Dyffryn Teifi yn Ardal Twf ond rydyn ni wedi gweld banciau'n cau, mae bygythiad i lyfrgell y dref a'r gymuned sydd bellach yng ngofal y pwll nofio. Beth am i Carwyn Jones ddefnyddio adnoddau'r Llywodraeth ac adnoddau Ewropeaidd er mwyn buddsoddi yn Nyffryn Teifi?”