Yn dilyn cyhoeddi Adroddiad Donaldson, mae Cymdeithas yr Iaith yn galw ar Lywodraeth Cymru i ddal ar y cyfle i ddatblygu cwricwlwm newydd a fydd yn sicrhau fod pob disgybl yn datblygu’r sgil addysgol hanfodol o fedru cyfathrebu a gweithio yn Gymraeg yn ogystal ag yn Saesneg. Mae cyfle cyflawni hyn trwy weithredu argymhellion adroddiad yr Athro Sioned Davies (“Un Iaith i Bawb”), a gomisiynwyd gan y llywodraeth ei hun, y dylid terfynu cysyniad dilornus “Cymraeg Ail Iaith” a sefydlu yn ei le gontinwwm dysgu “Cymraeg” i bawb. Byddai pob disgybl yn derbyn peth o’i addysg trwy gyfrwng y Gymraeg fel y daw i fedru defnyddio’r Gymraeg yn ymarferol. Cydnabyddwn y bydd angen amser sylweddol i weithredu datblygiad o’r fath, a galwn ar y llywodraeth felly i sefydlu’r egwyddor yn awr a sefydlu gweithgor proffesiynol i fonitro cynnydd blynyddol tuag at y nod. Ni ddylai unrhyw ddisgybl fod tan anfantais ddiwylliannol nac economaidd o’i amddifadu o’r gallu i gyfathrebu’n Gymraeg.

David Crystal, Athro mewn Ieitheg Prifysgol Bangor ac awdur Cambridge Encyclopedia of Language