Cymdeithas yr Iaith @ Eisteddfod yr Urdd Sir Benfro 2013

Cymdeithas yr Iaith yn Eisteddfod yr Urdd 2013

Cofiwch ymweld â stondin Cymdeithas yr Iaith ar faes Eisteddfod yr Urdd eleni. Lleolir y Maes ar fferm Cilwendeg ger Boncath, Sir Benfro. Dyma ddigwyddiadau'r wythnos!

Helfa Drysor - helpu Leighton Andrews i ffeindio TAN 20

  • 1pm, Dydd Llun 27ain o Fai - Stondin Cymdeithas yr Iaith
  • Rydyn ni wedi bod yn disgwyl bron i ddwy flynedd am bolisi TAN20 ond does dim sôn amdano o hyd - dewch i helpu Cymdeithas yr Iaith i helpu Leighton Andrews i ddod o hyd iddo.

Noson Sianel 62

  • 6pm, Nos Lun 27ain o Fai - Canolfan Adnoddau Cymunedol Hermon
  • Dangos ffilmiau "Preseli" ac "Orange Martini Vienna" gan Nico Dafydd a deunydd Sianel 62

Byw yn Gymraeg ar ôl ysgol

  • 1pm, Dydd Mercher 29ain o Fai - Stondin Cymdeithas yr Iaith
  • Mae “Dyfodol yr iaith Gymraeg yn nwylo plant a phobl ifanc Cymru” meddai Carwyn Jones. Ond beth allwch chi wneud er mwyn byw yn Gymraeg ar ôl ysgol?

Camu ymlaen wedi’r Cyfrifiad - Dyfodol ein cymunedau Cymraeg

  • 1.30pm, Dydd Iau 30ain o Fai - Stiwdio 2
  • Prif siaradwraig: Meri Huws, Comisiynydd y Gymraeg
  • Trefnir gan Cynghrair Cymunedau Cymraeg

Deffro'r Radio Cymru - ymunwch â'r fflachdorf

  • 1pm, Dydd Gwener 31ain o Fai - Stondin Cymdeithas yr Iaith
  • Dewch i ysgwyd diwylliant Cymreig cyfoes yn rhydd o orthrwm darlledwyr Prydain Fawr, drwy ddawnsio gwerin yn steil yr Harlem Shake

Gig lansio albwm Mattoidz + Y Ffug

  • 8pm, Nos Wener 31ain o Fai - Clwb Rygbi Crymych
  • Cyflwynir gan Mafon a Chymdeithas yr Iaith.