Wrth ymateb i'r newydd fod Mark James yn bwriadu ymadael a'i swydd fel Prif swyddog Gweithredol Cyngor Sir Caerfyrddin, mae Cymdeithas yr Iaith wedi anfon neges at arweinwyr y tri grwp gwleidyddol ar y Cyngor yn gofyn bod "cychwyn o'r newydd".
Yn ei neges at arweinwyr y cynghorwyr Llafur, Plaid Cymru, ac Annibynnol, dywed Sioned Elin cadeirydd y Gymdeithas yn Sir Gar
"Nid ein lle ni yw barnu unrhyw unigolion, ond credwn fod y system wedi bradychu pobl Sir Gaerfyrddin. Mae angen i ni gychwyn o'r newydd. Rhaid i ni beidio a chael eto gwmni drud o ymgynghorwyr i chwilio am swyddog i redeg Sir Gar fel petai'n gangen o M & S.
Gofynnwn i gynghorwyr benodi yn y dyfodol swyddogion sy'n deall pobl y sir ac yn deyrngar iddynt, ac yn alluogi i weithio trwy gyfrwng y Gymraeg a'r Saesneg."
Gofynnwn i gynghorwyr benodi yn y dyfodol swyddogion sy'n deall pobl y sir ac yn deyrngar iddynt, ac yn alluogi i weithio trwy gyfrwng y Gymraeg a'r Saesneg."