Mae Cymdeithas yr iaith wedi cyhuddo Arriva Cymru o symboleiddiaeth ar ol darganfod nad ydy gwefan 'ddwyieithog' y cwmni trenau yn cydnabod enwau gorsafoedd yng Nghymru, os byddant yn cael eu mewnosod i ffurflen chwilio'r wefan yn Gymraeg.

Fe ymgasglodd dros 200 o bobl heddiw ar y Maes yng Nghaernarfon i gefnogi galwad Cymdeithas yr Iaith Gymraeg dros Ddeddf Eiddo. Bu adloniant byw ar y Maes cyn i bawb orymdeithio draw i Swyddfeydd y Cynulliad yn y dref, lle cafodd Proclemasiwn gan y Gymdeithas ei godi ar furiau'r Swyddfeydd.

Ar drothwy Rali Calan Cymdeithas yr Iaith Gymraeg – a gynhelir yng Nghaernarfon ar Ionawr 3ydd, er mwyn tynnu sylw at yr argyfwng tai a’r angen am Ddeddf Eiddo – mae ymchwil brys gan y mudiad, wedi dangos nad oes yr un tŷ ar werth gan arwerthwyr tai yng Nghaernarfon, am bris is na £60,000.

Yn dilyn cyfarfod o Gyngor Sir Caerfyrddin y bore yma pryd y derbyniwyd penderfyniad Bwrdd Gweithredol y Cyngor i fabwysiadu Strategaeth o gau dros 30 o ysgolion pentrefol Cymraeg, cyhoeddodd Cymdeithas yr Iaith y bydd yn ymgyrchu’n ddygn dros gael gwared â’r Strategaeth ac yn sicrhau y bydd llais y cymunedau sydd dan fygythiad yn cael ei glywed.