Mae Cymdeithas yr Iaith Gymraeg yn croesawu cyhoeddi Adroddiad Comisiwn Richard ar Bwerau a Threfniadau Etholiadol Cynulliad Cenedlaethol Cymru, aír argymhelliad y dylai fod gan y Cynulliad hawliau deddfu.

Bu aelodau Cymdeithas yr Iaith Gymraeg yn cynnal y ddiweddaraf mewn cyfres o brotestiadau Deddf Iaith ym Mangor dydd Sadwrn Mawrth 13eg. Cynhaliwyd protestiadau tebyg yn ddiweddar yng Nghaerdydd, Aberystwyth a Chaerfyrddin.

Yn 2000 cyhoeddodd Bwrdd yr Iaith eu bont yn cyd-weithio gyda'r cwmni Orange i ddarparu gwasanaethau Cymraeg. Erbyn Ionawr 2004 does dim gwasanaethau Cymraeg o unrhywfath gydag Orange.

Mae Cymdeithas yr Iaith Gymraeg wedi gwahodd Meirion Prys Jones, Prif Weithredwr newydd Bwrdd yr Iaith Gymraeg i brotest yng Nghaerfyrddin o dan arweiniad Sion Corn.

Yn Aberystwyth prynhawn dydd Sadwrn (27/09/03) , am 1pm, cynhaliodd Cymdeithas yr Iaith Gymraeg yr ail brotest mewn cyfres yn erbyn cwmni McDonalds. Prif fwriad y brotest oedd galw ar y cwmni i gynnig gwasanaeth Cymraeg cyflawn. Ar yr un pryd, roedd y protestwyr yn galw ar y cwmni i gefnogiír economi leol, trwy wneud defnydd o gynnyrch amaethwyr lleol.

Yng Nghaerfyrddin yfory, am 1pm, bydd Cymdeithas yr Iaith Gymraeg yn cychwyn cyfres o brotestiadau yn erbyn cwmni McDonalds. Prif fwriad y brotest fydd galw ar y cwmni i gynnig gwasanaeth Cymraeg cyflawn. Ar yr un pryd, bydd y protestwyr yn galw ar y cwmni i gefnogi'r economi leol, trwy wneud defnydd o gynnyrch amaethwyr lleol.

Yng Nghylch yr Orsedd ddydd Llun galwodd yr Archdderwydd am Ddeddf Iaith newydd. Wrth annerch cyn urddo'r aelodau newydd i'r Orsedd, galwodd Robyn Lewis am "ddeddf iaith newydd wedi'i theilwrio ar gyfer Cymru ddatganoledig yr 21ain ganrif".

Mae Alun Pugh, y Gweinidog gyda chyfrifoldeb dros Ddiwylliant a'r Iaith Gymraeg yn y Cynulliad Cenedlaethol, wedi cydnabod am y tro gyntaf na fydd Llywodraeth Cymru yn gweithredu'n llawn rhai o nodau sylfaenol eu dogfennau polisi, "Dyfodol Dwyieithog" a "Iaith Pawb".